რეტრო დადიანი მაღალი კლასის მრავალბინიანი საცხოვრებელი კომპლექსია, რომელიც მდებარეობს თბილისის ერთ-ერთ ყველაზე დინამიურ და გამწვანებულ უბანში. პროექტი გამოირჩევა ინოვაციური კონცეფციით – ქალაქის შუაგულში, კორპუსის სახურავზე გაშენებული მწვანე ბაღი ქმნის უნიკალურ გარემოს და ურბანული ცხოვრების ახალ სტანდარტს ამკვიდრებს.
ჩვენი ხედვა მარტივია: იცხოვრე გამორჩეულად.
კომპლექსი აერთიანებს საცხოვრებელ ბინებს, პენტჰაუსებსა და კომერციულ ფართებს, რაც მას მრავალფუნქციურ და კომფორტულ სივრცედ აქცევს. მაღალი სართულებიდან იშლება შთამბეჭდავი პანორამული ხედები დედაქალაქზე. მობინადრეებისთვის გათვალისწინებულია ავტოსადგომი, ასევე ცალკე გამოყოფილი საპარკინგე სივრცე კომპანიებისთვის, რომლებიც კომერციული ფართებით სარგებლობენ. შენობა აღჭურვილია თანამედროვე სახანძრო და სავენტილაციო სისტემებით.
სახურავზე განთავსებული რეკრეაციული ზონა გამწვანებულია მრავალწლოვანი დეკორატიული ხეებითა და მცენარეებით, რაც სივრცეს სიჯანსაღეს და სიმყუდროვეს ანიჭებს. აქ მოწყობილია საბავშვო, მოსასვენებელი და გასართობი ზონები, სადაც თითოეული მცხოვრები თავისთვის სასურველ გარემოს იპოვის.უსაფრთხოების ყველა ნორმა სრულად დაცულია.
რეტრო დადიანი გამოირჩევა თანამედროვე არქიტექტურითა და დახვეწილი ექსტერიერით. მშენებლობისას გამოყენებულია საერთაშორისო სტანდარტების შესაბამისი, უმაღლესი ხარისხის სამშენებლო და მოსაპირკეთებელი მასალები, რაც უზრუნველყოფს როგორც ესთეტიკას, ისე გამძლეობას.
